പാനൂര്‍ ഗവ: ആശുപത്രിയില്‍ ചികിത്സതേടിയെത്തുന്ന മുഴുവന്‍ പേര്‍ക്കും സൌജന്യമായി കാപ്പി വിതരണം ചെയ്യുന്ന പദ്ധതിയുടെ  ഉദ്ഘാടനം

ശരീരവും മനസ്സും രോഗം കാര്‍ന്നുതിന്നുന്നവര്‍ക്ക്‌ കൈത്താങ്ങാവാന്‍ ഇനീഷ്യേറ്റീവ്‌ ഫോര്‍ റിഹാബിലിറ്റേഷന്‍ ആന്‍ഡ്‌ പാലിയേറ്റീവ്‌ കീയര്‍ സാന്ത്വന ചികിത്സാദിനത്തില്‍ പ്രവര്‍ത്തനം തുടങ്ങി. രോഗത്തിന്‌ മുന്നില്‍ ജീവിതം കൊട്ടിയടക്കപ്പെട്ടവര്‍ക്ക്‌ സാന്ത്വനത്തിന്റെ വാതായനങ്ങള്‍ തുറന്നാണ്‌ പാലിയേറ്റീവ്‌ ദിനത്തില്‍ ഐആര്‍പിസി പ്രവര്‍ത്തനത്തിന്‌ തുടക്കമിട്ടത്‌. ആശുപത്രികളില്‍ വീല്‍ചെയറുകള്‍ നല്‍കിയും അശരണരായ രോഗികള്‍ക്ക്‌ ഭക്ഷണവും ബെഡ്ഷീറ്റുകളും വിതരണം ചെയ്തും സാന്ത്വനസ്പര്‍ശത്തിന്‌ മികച്ച തുടക്കം. ജില്ലയിലെ എല്ലാ പഞ്ചായത്തുകളിലും ഐആര്‍പിസി പ്രവര്‍ത്തകര്‍ വീടുകള്‍ സന്ദര്‍ശിച്ചു. ഉദ്ഘാടന പരിപാടിയില്‍ ആതുരസേവകരും ജനപ്രതിനിധികളും ഉള്‍പ്പെടെ നൂറുകണക്കിനാളുകള്‍ പങ്കാളികളായി. മാറാരോഗം ബാധിച്ച്‌ കിടപ്പിലായവര്‍ക്ക്‌ സാന്ത്വനപരിചരണം ഉള്‍പ്പെടെ എത്തിക്കുകയാണ്‌ ഐആര്‍പിസിയുടെ കര്‍മ്മപരിപാടി. രോഗികള്‍ക്ക്‌ കൗണ്‍സലിങ്ങും പരിചരണവും സാമ്പത്തികമായി പിന്നോക്കം നില്‍ക്കുന്നവര്‍ക്ക്‌ മരുന്നും ചികിത്സാ സഹായവും ഉറപ്പാക്കും. പരിപാടിയുടെ ഭാഗമായി ജില്ലാ ആശുപത്രിയില്‍ രോഗികള്‍ക്കായി മൂന്ന്‌ വീല്‍ചെയറുകള്‍ നല്‍കി. ഉദ്ഘാടനം ജില്ലാ പഞ്ചായത്ത്‌ പ്രസിഡന്റ്‌ കെ.എ. സരള നിര്‍വ്വഹിച്ചു. ആശുത്രിക്കുള്ള വീല്‍ചെയറുകള്‍ ആര്‍.എം.ഒ. സന്തോഷിന്‌ കൈമാറി. ഡി.എം.ഒ. ആര്‍. രമേഷ്‌ മുഖ്യപ്രഭാഷണം നടത്തി. ഐആര്‍പിസി ജില്ലാസെക്രട്ടറി കെ.വി. അഷ്‌റഫ്‌ അധ്യക്ഷനായി. എന്‍. ചന്ദ്രന്‍, ടി.വി. ബാലന്‍, ഡോ. രാജേഷ്‌ എന്നിവര്‍ സംസാരിച്ചു. പി.എം. സാജിദ്‌ സ്വാഗതവും യു. പുഷ്പരാജ്‌ നന്ദിയും പറഞ്ഞു. ചുഴലിയില്‍ നടന്ന പരിപാടിയില്‍ ഓട്ടോറിക്ഷ അപകടത്തില്‍ കാല്‌ നഷ്ടപ്പെട്ട പി.വി. മനോഹരന്‌ സി.പി.ഐ.എം ജില്ലാ സെക്രട്ടറി പി. ജയരാജന്‍ വീട്ടിലെത്തി വീല്‍ചെയര്‍ നല്‍കി. ഉദ്ഘാടന ചടങ്ങില്‍ പഞ്ചായത്ത്‌ പ്രസിഡന്റ്‌ കെ. മിനേഷ്‌ അധ്യക്ഷനായി. വളണ്ടിയര്‍മാര്‍ക്കുള്ള തിരിച്ചറിയല്‍ കാര്‍ഡ്‌ വിതരണം പ്രശസ്ത ചിത്രകാരന്‍ എബി എന്‍. ജോസഫ്‌ പി.വി. രാജേഷിന്‌ നല്‍കി നിര്‍വ്വഹിച്ചു. ഐആര്‍പി.സി. ജില്ലാ സെക്രട്ടറി കെ.വി. അഷ്‌റഫ്‌, എം. വേലായുധന്‍, പി. പ്രകാശന്‍, കെ.കെ. ബാലകൃഷ്ണന്‍, കെ.പി. രാമകൃഷ്ണന്‍ എന്നിവര്‍ സംസാരിച്ചു.

Volunteers get together and badge distributr of irpc mattannur zonal committee was held on 16th june at 2 pm in the conference cpim area committe office premises. The function was attended around 60 volunteers from the koodali,keezhallur,thillenkeri panchayth and mattann ur muncipality. 53 badges were to given to the volunteers by p.purushothaman,area secretary,mattannur area committe in the presence of Sri.k.bhaskaran,prabhith(governing body members-irpc kannur dist) ,shaji(jt.secretary-irpc kannur dist committee and k.v mohanan.

കണ്ണൂര്‍: ശയ്യാവ്രണം ബാധിച്ച്‌ ചോരയൊലിക്കുന്ന പുറം, ശസ്ത്രക്രിയ ചെയ്ത മാറിടത്തിലെ മുറിവുണങ്ങാതെ രൂപപ്പെട്ട വേദനിക്കുന്ന മുഴ, നീരുവന്നു വിങ്ങിയ വലംകൈ, ചുണ്ടനക്കുന്നത്‌ കരയാന്‍ മാത്രം. ശ്രീകണ്ഠപുരം കാഞ്ഞിലേരിയിലെ അനിതയെന്ന മുപ്പത്തിനാലുകാരിയുടേത്‌ കണ്ടുനില്‍ക്കാനാകാത്ത ദുരിതം.

കണ്ണൂര്‍ ജില്ലാ ആശുപത്രിയില്‍ കഴിയുന്ന അനിതയ്ക്ക്‌ സാന്ത്വന പരിചരണ പ്രസ്ഥാനമായ ഐ.ആര്‍.പി.സി.യുടെ വക എയര്‍ബെഡ്‌ കൈമാറാനെത്തിയ സി.പി.ഐ.(എം) ജില്ലാ സെക്രട്ടറി പി. ജയരാജന്‍ ഈ ദുരിതക്കിടക്കക്കരികില്‍ വാക്കുകളറ്റ്‌ ഒരു നിമിഷം നിന്നു. പിന്നെ, പതിയെ, നിസ്സഹായാവസ്ഥയിലുള്ള ആ യുവതിയെ സമാശ്വസിപ്പിച്ചു. "എല്ലാം മാറും. പഴയതുപോലെ ഓടിനടന്ന നാളുകള്‍ തിരിച്ചുവരും. ഞങ്ങളെല്ലാം ഒപ്പമുണ്ട്‌". അദ്ദേഹത്തിന്റെ മുഖത്തേക്ക്‌ നിശ്ചലം നോക്കിനിന്ന അനിതയുടെ കണ്ണുകളില്‍ പ്രതീക്ഷാനാളം ഓളംവെട്ടിയപ്പോള്‍ ചുറ്റും കൂടിനിന്നവരുടെ കണ്ണുകളും ഈറനായി. നിസ്വരും നിരാലംബരുമായ സഹജീവികള്‍ക്ക്‌ സഹായവുമായി ഇനീഷ്യേറ്റീവ്‌ ഫോര്‍ റിഹാബിലിറ്റേഷന്‍ ആന്റ്‌ പാലിയേറ്റീവ്‌ കീയറിന്റെ പ്രവര്‍ത്തനങ്ങള്‍ മനുഷ്യത്വത്തിന്റെ പുതിയ അധ്യായം രചിക്കുകയാണ്‌.

കാഞ്ഞിലേരിയിലെ പരേതനായ കുഞ്ഞമ്പുവിന്റെയും ലക്ഷ്മിയുടെയും മകളാണ്‌ അനിത. കൂലിപ്പണിക്കാരനായ പവിത്രനാണ്‌ ഭര്‍ത്താവ്‌. മക്കളില്ല. ആറുമാസം മുമ്പാണ്‌ അനിതയ്ക്ക്‌ സ്തനാര്‍ബുദം പിടിപെട്ടത്‌. കോഴിക്കോട്‌ മെഡിക്കല്‍ കോളേജിലെ ശസ്ത്രക്രിയയില്‍ വലതുമാറിടം നീക്കി. ഈ ഭാഗത്തെ മുറിവുണങ്ങാതെ മുഴയായി രൂപാന്തരം പ്രാപിച്ചതാണ്‌ അനിതയെ ശയ്യാവലംബിയാക്കിയത്‌. വലംകൈ ചലനമറ്റ്‌ ഉയര്‍ത്തിപ്പിടിച്ച നിലയിലായി. കിടക്കയില്‍ നിന്ന്‌ എഴുന്നേല്‍ക്കാനാവാത്ത സ്ഥിതി. എല്ലാ കാര്യങ്ങള്‍ക്കും അമ്മയുടെ സഹായം വേണം. തുടര്‍ച്ചയായ കിടപ്പുമൂലം പുറംപൊട്ടി വ്രണമായി. മലബാര്‍ കാന്‍സര്‍ സെന്ററിലും അല്‍പകാലം ചികിത്സിച്ചു. തുടര്‍ന്ന്‌, വീട്ടിലേക്ക്‌ കൊണ്ടുപോയി. മൂന്നാഴ്ച മുമ്പ്‌ അസുഖം മൂര്‍ഛിച്ചതിനെ തുടര്‍ന്നാണ്‌ ജില്ലാ ആശുപത്രിയിലെത്തിച്ചത്‌.

ഐ.ആര്‍.പി.സി. ജില്ലാ ജോയിന്റ്‌ സെക്രട്ടറിയും സാമൂഹ്യപ്രവര്‍ത്തകനുമായ പി.എം. ഷാജിയാണ്‌ അനിതയ്ക്ക്‌ ആശ്വാസം പകരാന്‍ മുന്നിട്ടിറങ്ങിയത്‌. ഷാജിയില്‍ നിന്ന്‌ വിവരമറിഞ്ഞ്‌ ഒരു മനുഷ്യസ്നേഹി ഐ.ആര്‍.പി.സി. മുഖേന എയര്‍ബെഡ്‌ നല്‍കാന്‍ തയ്യാറായി. ബെഡ്‌ അനിതയ്ക്ക്‌ തെല്ല്‌ ആശ്വാസമായി. ഇനി കീമോതെറാപ്പി ചെയ്യണം. കൗണ്‍സിലിങ്ങ്‌ അടക്കമുള്ള സഹായം ഐ.ആര്‍.പി.സി. നല്‍കും. തുടര്‍ചികിത്സയ്ക്കും മറ്റും സഹായം ലഭ്യമാക്കാനുള്ള ശ്രമത്തിലാണ്‌ സംഘടന. മരുന്ന്‌, വീല്‍ചെയര്‍, വാട്ടര്‍ബെഡ്‌ തുടങ്ങിയ സഹായങ്ങളുമായി നിരാലംബരോഗികളെ ശുശ്രൂഷിക്കാന്‍ നാടൊന്നാകെ കൈകോര്‍ക്കുകയാണ്‌.

ഐ.ആര്‍.പി.സി. ജില്ലാ സെക്രട്ടറി കെ.വി. അഷ്‌റഫ്‌, സി.പി.ഐ.(എം) കണ്ണൂര്‍ ഏരിയാ സെക്രട്ടറി എന്‍. ചന്ദ്രന്‍, പി.എം. ഷാജി, നഗരസഭാ പ്രതിപക്ഷനേതാവ്‌ യു. പുഷ്പരാജ്‌, ആര്‍.എം.ഒ. സന്തോഷ്‌, സാന്ത്വനപരിചരണ പ്രവര്‍ത്തകന്‍ പ്രഭിത്ത്‌, ഒ.എസ്‌. മോളി തുടങ്ങിയവരും ആശുപത്രിയിലെത്തി. സുമനസ്സുകളുടെ അകമഴിഞ്ഞ സഹായത്തിലാണ്‌ അനിതയുടെയും ഭര്‍ത്താവിന്റെയും പ്രതീക്ഷ. ഫോണ്‍: 8606781265