ഐആർപിസിക്ക് നൽകുന്ന സഹായങ്ങൾക്ക് ആദായനികുതി ഇളവ് നൽകുന്ന ഉത്തരവ് പുറത്തിറങ്ങി.

IRPC Bank Account Details

State Bank of India

South Bazar Branch, Kannur

A/c No.32732518525

IFSC: SBIN0008551

ജില്ലയെ സമ്പൂർണ്ണ പാലിയേറ്റീവ് സൗഹൃദ ജില്ലയാക്കാൻ ഐആർപിസി വാർഷിക ജനറൽബോഡി തീരുമാനിച്ചു.  ആവശ്യമായ മുഴുവൻ വീടുകളിലും പരിചരണം നൽകും.  ഡോക്‌ടേഴ്‌സ് ഹോം കെയറും നഴ്‌സസ് ഹോംകെയറും വിപുലപ്പെടുത്തും. ലഹരിക്കെതിരെ ബോധവൽക്കരണ കാമ്പയിൻ 207 കേന്ദ്രങ്ങളിൽ നടത്തും.  ഡിഅഡിക്ഷൻ സെന്റർ ആരംഭിക്കും.  കുടിവെള്ള വിതരണ മേഖലയിൽ ആവശ്യമായ പ്രവർത്തനം നടത്തും.

ആഗസ്ത് 19, ജനുവരി 15 ദിവസങ്ങളിൽ ഹോംകെയർ കാമ്പയിൻ നടത്തും.  ശിശുസൗഹൃദ പാലിയേറ്റീവ് കെയർ നടപ്പാക്കാൻ വളണ്ടിയർമാർക്ക്  പ്രത്യേക പരിശീലനം നൽകും. ഫിസിയോതെറാപ്പി സേവനം വിപുലപ്പെടുത്തും. ക്യാൻസർ ഫോളോ അപ്പ് ക്യാമ്പ് വിപുലപ്പെടുത്താനും പട്ടികവർഗമേഖലകളിൽ പ്രത്യേക മെഡിക്കൽ ക്യാമ്പും നിരീക്ഷണസേനയ്ക്കും രൂപം നൽകും.  'ഉണർവ്വ്' പരിപാടി വിപുലീകരിക്കും.  തീരദേശമേഖലകളിൽ വയോജന സംഗമവും മെഡിക്കൽ ക്യാമ്പും സംഘടിപ്പിക്കും.

ഐആർപിസി ഉപദേശകസമിതി ചെയർമാൻ പി. ജയരാജൻ ഉദ്ഘാടനം ചെയ്തു.  എം. പ്രകാശൻ മുഖ്യപ്രഭാഷണം നടത്തി.  പി.എം. സാജിദ് അദ്ധ്യക്ഷനായി.  കെ.വി. മുഹമ്മദ് അഷ്‌റഫ് റിപ്പോർട്ട് അവതരിപ്പിച്ചു.  ഡോ. കെ.പി. ബാലകൃഷ്ണ പൊതുവാൾ,ഡോ. കെ. മായ, ഡോ. പി. അജിത്ത്, ഡോ. വത്സല, ഡോ. ലതീഷ് എന്നിവർ സംസാരിച്ചു.  കെ.ജി. വത്സലകുമാരി ഭാവിപരിപാടികൾ വിശദീകരിച്ചു.  കെ.വി. ഗോവിന്ദൻ സ്വാഗതവും എൻ.വി. പുരുഷോത്തമൻ നന്ദിയും പറഞ്ഞു.  ഡോ. രാജ്‌മോഹൻ ഐആർപിസിക്ക് സാമ്പത്തിക സഹായവും സിഎം സത്യൻ സാന്ത്വനകേന്ദ്രത്തിലേക്ക് മൈക്ക്‌സെറ്റും നൽകി.  ഭാരവാഹികൾ: പി.എം. സാജിദ് (ചെയർമാൻ), ഡോ. കെ.വി. ലതീഷ് (വൈസ് ചെയർമാൻ), മുഹമ്മദ് അഷ്‌റഫ് (സെക്രട്ടറി), കെ.വി. ഗോവിന്ദൻ (ജോ. സെക്രട്ടറി), സി.എം. സത്യൻ (ട്രഷറർ)

 

ഐആർപിസിക്ക് 25 ലക്ഷം രൂപ പൊതുനന്മ ഫണ്ടിൽ നിന്ന് അനുവദിക്കാൻ കെ.എസ്.എഫ്.ഇ.ക്ക് അനുമതി നൽകിയതായി ധനമന്ത്രി ഡോ. തോമസ് ഐസക് പറഞ്ഞു.  കണ്ണൂർ തയ്യിലെ സാന്ത്വനകേന്ദ്രം സന്ദർശിച്ചശേഷം സംസാരിക്കുകയായിരുന്നു അദ്ദേഹം.  

സാന്ത്വനപരിചരണരംഗത്ത് സ്തുത്യർഹ സേവനമാണ് ഐആർപിസി നിർവ്വഹിക്കുന്നത്.  ഏഴായിരത്തോളം കിടപ്പ് രോഗികൾക്ക് വീടുകളിലെത്തി സാന്ത്വനപരിചരണം നൽകുന്നതിനുപുറമേ സാന്ത്വനകേന്ദ്രത്തിലും ചികിത്സ നൽകുന്നത് എല്ലാവർക്കും മാതൃകയാണ്.  ഇതേരീതിയിൽ ജനറൽ-ജില്ലാ ആശുപത്രിയോട് അനുബന്ധിച്ച് സർക്കാർ സാന്ത്വനവിഭാഗം ആരംഭിക്കണം.  ഇത് സാന്ത്വനപരിചരണ മേഖലയ്ക്ക് കരുത്തേകുമെന്നും അദ്ദേഹം പറഞ്ഞു.

അരയ്ക്കു താഴോട്ട് ചലനശേഷിയില്ലാത്തവർ നിർമിച്ച കുടകളും മന്ത്രി കണ്ടു.  ഉപദേശക സമിതി ചെയർമാൻ പി. ജയരാജൻ അദ്ധ്യക്ഷനായി.  എം. പ്രകാശൻ, പി.എം. സാജിദ്, ഡോ. ബാലകൃഷ്ണ പൊതുവാൾ, ഡോ. കെ. മായ, ഡോ. രാജീവ് നമ്പ്യാർ, കെ.വി. ഗോവിന്ദൻ എന്നിവർ സംസാരിച്ചു.  കെ.വി. മുഹമ്മദ് അഷറഫ് സ്വാഗതവും എൻ.വി. പുരുഷോത്തമൻ നന്ദിയും പറഞ്ഞു.

ചൊക്‌ളി> കൊടുംവരൾച്ചയിൽ കുടിവെള്ളത്തിന് വലയുന്നവർക്ക് ദാഹജലവുമായി സാന്ത്വനപ്രസ്ഥാനമായ ഐആർപിസിയുടെ വളണ്ടിയർമാർ എത്തുന്നു. രൂക്ഷമായ കുടിവെള്ളക്ഷാമം നേരിടുന്ന പ്രദേശങ്ങളിൽ ശുദ്ധജലം വിതരണം ചെയ്യുന്ന ഐആർപിസിയുടെ കാരുണ്യ പ്രവർത്തനത്തിന് കണ്ണൂർ ജില്ലയിൽ തുടക്കമായി. രോഗികളെ പരിചരിച്ചും ശബരിമല തീർഥാടകരെ ശുശ്രൂഷിച്ചും ജനഹൃദയങ്ങളിൽ ഇടംനേടിയ സാന്ത്വനപരിചരണ പ്രസ്ഥാനം പുതിയദൌത്യമാണ് ഇതിലൂടെ ഏറ്റെടുക്കുന്നത്. 

കണ്ണൂർ ജില്ലാ ഉദ്ഘാടനം ചൊക്‌ളി ഒളവിലം കീരങ്കോട്ട് മുക്കിൽ ഐആർപിസി ഉപദേശക സമിതി ചെയർമാർ പി ജയരാജൻ കൊഞ്ഞന്റവിടെ അജിതയ്ക്ക് കുടിവെള്ളം വിതരണംചെയ്ത് നിർവഹിച്ചു. വരൾച്ച നേരിടാൻ സർക്കാർ നടപ്പാക്കുന്ന എല്ലാ പ്രവർത്തനത്തിനൊപ്പവും ഐആർപിസിയുമുണ്ടാകുമെന്ന് പി ജയരാജൻ പറഞ്ഞു. കുടിവെള്ളമില്ലാതെ ബുദ്ധിമുട്ടുന്നവർ അതത് പ്രദേശങ്ങളിലെ ഐആർപിസി വളണ്ടിയർമാരുമായി ബന്ധപ്പെടണമെന്നും അദ്ദേഹം കൂട്ടിച്ചേർത്തു. 

ചൊക്‌ളി പഞ്ചായത്ത് പ്രസിഡന്റ് വി കെ രാഗേഷ് അധ്യക്ഷനായി. ഐആർപിസി പാനൂർ സോണൽ കമ്മിറ്റി ചെയർമാൻ എ പി നന്ദനൻ, കൺവീനർ എ പ്രദീപൻ, രഗ്‌നേഷ് കവിയൂർ,വി കെ ഭാസ്‌കരൻ എന്നിവർ സംസാരിച്ചു. വി പി ഷിനോജ് സ്വാഗതവും അജിത ചേപ്രത്ത് നന്ദിയും പറഞ്ഞു. ഡിവൈഎഫ്‌ഐ ചൊക്‌ളി സൌത്ത് മേഖലാകമ്മിറ്റിയുടെ സഹകരണത്തോടെയാണ് ഒളവിലം പ്രദേശത്തെ അറുപതോളം വീടുകളിൽ കുടിവെള്ളമെത്തിക്കാൻ ഐആർപിസി ലോക്കൽ ഗ്രൂപ്പ് തുടക്കം കുറിച്ചത്. ചൊക്‌ളി കാഞ്ഞരത്തിൻകീഴിലെ സി കെ ബാവൂട്ടിയുടെ ടിപ്പർ ലോറിയിൽ വലിയ ടാങ്കുകളിലായി ശുദ്ധജലം ശേഖരിച്ചാണ് ഇവിടുത്തെ വിതരണം.